Jómfrúin og söfnin
Jæja nú er ég búin að vera í viku fríi og gert mestlítið. Sleikt sólina, haldið matarboð, "chillað" og drukkið gott vín.
Við hjónin ákváðum að láta ekki við slíkt sitja og skelltum okkur á Sjóminjasafnið á Granda. Þar mátti sjá margt fróðlegt um sjómennsku fyrri ára. Mest fannst mér um að skoða lúkarinn með 12 kojum í stafni skips og kolaofninn til að hlýja mannskapnum. Skil ekki hvernig þessir blessuðu menn fóru að því að kúldrast þarna saman í svona litlu plássi.
Síðan var farið á Jómfrúna og fengið sér gott að borða og einn öl. Næstum því eins og maður væri staddur í Köben.
Svo skelltum við okkur í Listasafn Íslands og þar var sýning á verkum Dieter Roth. Hmmmm.... ég er auðsjáanlega ekki nógu listfeng. Fannst þetta einfaldlega vera krass og svo ekki sé minnst á verkin sem eru gerð úr súkkulaði og glerskáparnir með kryddinu. Come on! ´
Það eru þarna endalausar bækur um þennan "frábæra" listamann á hinum ýmsu tungumálum. Sá ekki eitt einasta verk þarna sem ég gæti hugsað mér að eiga.
Hvað um það, ætla að fara á fleiri söfn á næstunni. Stefni á að koma mér loksins í Þjóðminjasafnið og berja það augum eftir breytingu og einnig ætla ég í Ásmundarsafnið. Hef ekki komið þangað í nokkra áratugi.
More later....
3 Comments:
Maður ætti kannski að láta verða að því að fara á eitthvað af þessum söfnum.
Já, ekki spurning. Þú hefðir örugglega gaman að því að skoða hin ýmsu söfn. Þetta er fín tilbreyting þegar maður er í fríi og fer ekki út úr borginni.
Jú - ekki spurning! Nú verðum við að fara að hittast aftur á Jómfrúnni 1. fimmtudag í hverjum mánuði. Hlakka svo til að hitta ykkur allar fljótlega.
Skrifa ummæli
<< Home