Afmæli, afmæli!
Þetta er rosalegur afmælismánuður. Hann hófst 3. september þegar ömmustelpan mín hún Emilía Ósk varð 5 ára. Síðan varð yngsta dóttir mín hún Inger Anna Lena 28 ára 18. septmeber.
Svo átti Léttsveitin 10 ára afmæli í mánuðinum og tilefni af því var haldin stórskemmtileg sögusýning. Rosagaman að skoða öll gömlu plakötin, söngskrárnar og myndaalbúmin. Svo á Léttsveitin 5 ára sjálfstæðisafmæli á næstu dögum.
Ekki má gleyma fommanum í kórnum. Hún Þórkatla var 50 ára á fimmtudaginn og mættum við rúmlega 30 kellur úr kórnum og sungum fyrir hana kl. 7 að morgni og svo var farið á Kaffivagninn út á Granda.
Svo varð ömmustelpan mín hún Charlotta Ásta 3 ára í gær. Það verður haldið upp á afmælið hennar núna á eftir. Við Viktor Carl bróðir hennar, sem gisti hér í nótt, mætum galvösk í það á eftir.
Síðan er hún Sigga mágkona 50 ára í dag og Pétur svili varð 50 ára fyrir nokkrum dögum. Þau hjónin bjóða til kvöldverðar í kvöld. Verður örugglega rosagaman.
Annars er þetta búið að vera mikið afmælisár - fullt af fimmtugsafmælum, þar á meðal mitt eigið og pabbi varð 75 ára í júní.
Fullt af tilefnum til að gera sér dagamun.
More later...
2 Comments:
Ég gleymdi auðvitað áðan þegar ég hitti þig að óska þér til hamingju með alla stoluna. Greinilega mikil frjósemi hjá fjölskyldunni í september mánuði -eða á ég að segja í desember? haha.
Kveðja Ingibjörg
Hmm... já - auðsjáanlega er desember fínn mánuður til að kúra saman og fjölga mannkyninu. Kalt úti og svona.
Skrifa ummæli
<< Home